آخر المواضيع

الجمعة، 3 فبراير 2023

مقدوس البيذينجان مع الشطه

مقدوس البيذينجان مع الشطه ودبس الفليفله 
بطريقه سهله التحضير وسريعه 

المكونات 
ثلاثه كيلوغرام بيذنجان 
كيلو فليفله حمرا
نصف كيلو جوز مجروش 
ملعقتين كبار دبس الفليفله 
ملعقتين كبار ثوم مهروس 
اربع ملاعق ملح صخري 
 نسلق البيذينجان 
منغسل البذنجان ومن حط له ثقل وماء ومنسلقه ٢٥ دقيقة او لنحس انه قادرين نضغط عليها
منحطهم بماء بارد فورا
الباذنجان الحموي بياخد وقت اقل بالسلق 
ومنشيل القمع ومنتركهم يبردوا منيح
منقصها من الوسط شوي ومنحط ملعقه ملح ملعقه اصغر من الصغيرة لان حجم الباذنجان كان صغير
ومنصفهم بالمصفايه منستخدم ملعقتين طعام من الملح
اما الملعقه الثالثه منتركها على جنب منستخدمها لنرش على الباذنجان كل ما قلبناهم
لتتاكدوا من كميه الملح ما يطلعوا مالحين فيكن باصبعكم ذوقوا الماء يلي عم تنزل منهم لازم الملح يكون ظاهر مثل الرز
منحط صحن او اي شي عليهم ومنحط ثقل فوقهم بحدود ٥-٧ كيلو انا استخدمت طنجرة ماء
مدة ٣-٤ ايام حتى يبطل ينزلوا ماء 
الثقل منحطه اول شي خفيف ومنرجع منزيد الثقل لنحافظ على شكل الباذنجان
منشيل الثقل عنهم ومنحطهم يوم وليله بالبراد بدون غطاء لينشفوا من اي ماء
الحشوة
منغسل الفليفله ومنشفها ومنفتحها ومنتخلص من البذر
ومنحطها بالشمس يومين منرجع منطحنها ومنحطها بالمصفاه مع ملعقة ملح لنتخلص من كل الماء مدة يوم كامل
منضيف ملعقه الثوم المفروم والجوز ورشة صغيرة ملح وملعقة زيت زيتون ومنخلطهم
منحشي الباذنجان
منمسحهم بقطعه قماش نظيفه ومنصفهم بالمرطبان ومنحط عليهم صحن ومنقلبهم لنتاكد انه نزل اي ماء فيهن بعد الحشوة مدة يوم كامل
منضيف الزيت ليغطي الوجه ومنتركهم مفتوحين لان الباذنجان على الزيت بتنفش الحبه وبتمتص زيت منتركهم يوم كامل منرجع منحط زيت لينغمروا ومنسكر المرطبان منضغطه وبحاجة لا اسبوع او ١٠ ايام وبكون جاهز للاكل

هاي الطريقه التقليدية بس انا عملتو بعد السلق وتنزيل كل ميتو فرمتو وحطيت عليه دبس الفليفله وفليفله حمرا وجوز 
وثوم وفرمت البيذينجان وخلطتو معهم وضفت الزيت الزيتون 
وصار فيكم تاكلو خلال يومين 
وبالهناء الشيف المبدع والمتميز زهره أبو عواد












ليست هناك تعليقات:

إرسال تعليق

من نحن

authorمرحبا، أسمي علي وهذه مدونتي أسعى دائما لأقدم لكم أفضل المواضيع الخاصة بالطبخ والاكل الصحي

بحث هذه المدونة الإلكترونية

Mohon Aktifkan Javascript!Enable JavaScript

نموذج الاتصال

الاسم

بريد إلكتروني *

رسالة *